عمان : شعر بقرب أجله فكتب وصيته.."لما اموت ادعولي لا تنسوني"صورة
عمان : شعر بقرب أجله فكتب وصيته.."لما اموت ادعولي لا تنسوني"صورة

صحيفة الراية :- تداول ناشطون عبر مواقع التواصل الاجتماعي بَلاَغ مؤثر لشاب يبلغ من العمر 17 سنة شعر بقرب أجله فكتب وصيته .

وتوفي الشاب الخميس الماضي اثر انهيار اجزاء من عمارة في جبل النصر على السوبر ماركت الذي يعمل فيه ما ادى الى تعرضه لجروح ورضوض بالغة توفي على اثرها .

تالياً المنشور الذي كتبه الشاب :
#لما_اموت_امانه إدفنوني الصبح لا تبيتوني بالثلاجه ..
حتى اذا متت بالليل نيموني بغرفتي وغطوني منيح وبس يطلع الصبح ادفنوني ..
ولمآ تيجو تعزو عزو ع القبر .. لا تفتحو بالمضافه تكاليف على الفاضي .. وكلوا واشربو لا تحرمو حالكو من اشي
اتّذكرو كلشي حلو بيناا ومسخرتنا وحكينا وضحكنا ..
ولما تيجو ع قبري #ما_تعيطو لانو بتضايق وبِزعل كثير
وما بحب حدا يزعل بسببي بالمره ..
وبس بدكم تحطو ع بروفيلاتكم اختاروا #صوره دعاء خلي الناس تدعيلي ..
ولو عملتو فيديو اختارو احلى صور الي واحلى كلام حكتلكو اياه ..
وبس تيجو #تتذكروني اتذكروني بس بالخير وادعولي لما اموت
#ضحكتي رح تضل بقلب كل حدا عرفني وحبني ..
لما اموت احكوا انو ربنا اختارلي الافضل لما اموت ادعولي لا تنسوني ..
لماا امووت ضلكم زوروني ما بحب اضل لحالي حتى لو ما بتعرفوني منيح بحكم الاخوه بينا ..
واحكو معي صح بكون عند ربنا بس بكون حاسس فيكم وسامعكم
حتى لما أموت ما بدي أكون سبب زعلكم رغم كلشي #بحبكم_والله ما حدا ضامن عمرو واسف اذا زعلتكو مني

صورة الشاب المتوفى

 

المصدر : جي بي سي نيوز